CAPILLAS DE SALCEU

Dice Xosé Ambás:

En Salcéu hai ventiún capillas repartidas polos pueblos de las nueve parroquias, dellas son privadas asociadas a alguna casona ya outras son del puoblu, como en todo hailas en bon estáu de conservación ya outras tan caendo.

Noceda tien capilla del puoblu bien cuidada, Villamarín tién una bona capilla restaurada que pertenez a la casa La Cuesta, Bárzana tien una interesante capilla restaurada fai poucu con mui bona intención pero con algunos fallos pola tea moderna ya plana que ta desplazando la tea áraba tradicional tamién se sacóu la piedra pero hai que dase cuonta que muchas edificaciones tradicionales taban encaladas ya esta era una que tenía interesantes escritos nas paredes de cal que desapaecienon cola restauración, una fonte naz debaxo d'esta capilla polo que la fundación taría vinculada a esti manantial. Mumalu tien una capilla cuadrada pequeña en bon estáu. Samiguel tien tamién una capilla arreglada cola tea vieya tradicional ya encalada

Capilla Casa Corros ( Tolinas )

Tolinas tien dos capillas asociadas a dos casonas, la de Don Enrique ta reteada ya bién pero la de Casa Corros ta en mal estáu ya tien gran valor polas pinturas que conserva nel interior ya que necesitan una restauración urxente

Retablo capilla casa Corros ( Tolinas )

Santianes tién en puoblu dos capillas asociadas a dos casonas, una d'ellas enforma moderna

Capilla de Casa el Riestru ( Santianes )

Ente Santianes ya Villamarín en vieyu Camín Real de Salcéu ta la capilla de San Roque au se fixenon las meyores romerias de Salcéu, ta bién conserevada.

Capilla de San Roque

Capilla de Miruxeo ( Cubia )

En Cubia ta la capilla de Miruxéu a la vera'l riu, restaurada fai poucu en bon estáu ya con una interesante leyenda fundacional. Estas son las capillas del valle'l Cubia

Na outra riada salcedana hailas en peor estáu de conservación.

En Restiellu una asociada a la casona de Los Armiñán en bon estáu, na Veiga Villizói ta la capilla de la casa d'El Cabañal en mui mal estáu de conservación, la de Villandás ya una capilla bona con guapa cantería ya bién conservada

Capilla d´Armando La Vinina ( Robléu )

En Robléu hai dos capillas asociadas a dos casonas, la de Villar ya pequena pero ta reteada ya bién pero la de casa d'Armando La Vinina ya un bardial que dientru conserva las pinturas más impresionantes de tolas capillas salcedanas (s.XVIII ).

Pantocrator-Capilla d´Armando La Vinina (Robléu)

Necesíta una actuación mui urxente o va perdese uno de los principales legaos artísticos de Salcéu.

Capilla d´Armando La Vinina (Robléu)

Ya privada ya ta en venta pero habría que tomar medidas con la conseyería cultura ou patrimoniu.

La capilla Los Llodos tamién ye una ruina que necesita una recuperación urxente, la de Los Vios en Víu'l Picu ta restaurandose agora, nun tan respetando la tea tradicional pero polo menos nun la van deixar caer, la puorta con tallas cuerre peligro de desapaicer pol mal estáu en que ta.

La de Seaza ta bién ya la de La Fuoxa ta en ruinas ya tamién ya mui interesante necesitando una actuación urxente

Capilla de Seaza

Este patrimoniu etnográficu de gran valir podía ser un reclámu turísticu de la
zona ya forma parte de la nuosa historia, Salcéu podía ser un referente
n'Asturias si se restauraran y respetaran tolos elementos etnográficos que
conservamos.